O curso escolar comeza o vindeiro 11 de setembro para 36.375 rapazas e rapaces de Vigo de Educación Infantil, Primaria, ESO e Bacharelaro. No conxunto de Galicia son 307.854 alumnas e alumnos que acudirán a 1.243 centros de toda Galicia. En relación co curso pasado hay un descenso de 3.289 estudantes.
Galicia
| Etapa | Centros Públicos, Concertados e privados | ||
| Curso 2023-2024 | Curso 2024-2025 | Diferenza | |
| Educación Infantil | 50.129 | 48.467 | -1.662 |
| Educación Primaria | 128.899 | 126.531 | -2.368 |
| Educación Especial | 1.296 | 1.359 | +63 |
| ESO | 98.018 | 97.680 | -338 |
| Bacharelato | 32.801 | 33.817 | +1.016 |
| TOTAL | 311.143 | 307.854 | -3.289 |
En concreto, hay centros educativos en funcionamento en 92 concellos da provincia da Coruña, cun total de 131.474 alumnos; 65 da de Lugo, con 32.392 estudantes; 68 da de Ourense, con 29.634 estudantes, e 61 da de Pontevedra, con114.354 escolares.
Máis aulas para menos alumnos
Malia a que o descenso de matrícula se produce na súa meirande parte nas etapas de Infantil e Primaria, estes centros contarán co mesmo número de aulas, apuntan dende a Consellería de Educación. En concreto, no caso dos colexios públicos, haberá en funcionamento 7.336 aulas, dúas máis ca no ano académico que vén de rematar.
E ademáis en vigoalminuto
- Así luce ‘O Barco do Nadal’ de Vigo
- Cientos de vehículos en oferta en Caroulet Vigo
- A prisión tres de los cuatro detenidos por 12 atracos a punta de pistola en casas, estancos y farmacias de la provincia
Matrícula aberta na Formación Profesional
Así mesmo, aínda é posible matricularse nos ciclos de FP que contan con prazas dispoñibles. O alumnado que tivo praza na adxudicación do 2 de setembro poderá matricularse ata o día 5 deste mes. Unha vez concluída esta terceira fase, haberá unha adxudicación continuada por chamamentos individualizados, que se estenderá entre o 11 e o 27 de setembro.
No caso dos ciclos con prazas dispoñibles e sen listaxe de agarda, a matrícula pode formalizarse xa en calquera momento nos centros educativos correspondentes, dado que non entran na terceira adxudicación.
