Cultura

Seguen as Festas do Cristo no Porriño

Esta fin de semana con música, teatro, deporte, Os Bolechas ou contacontos

Author RedacciónPosted on
Seguen as Festas do Cristo no Porriño

As Festas do Cristo, no Porriño, que comezaron a principio deste mes, continúan esta fin de semana. Como parte das máis de 100 actividades programadas durante todo o mes, o sábado e o domingo podes gozar da música, o teatro ou o deporte.

Sábado, 14

  • Así,ás 12:30h. a programación comeza co ‘Concerto Sesión Vermú’, ‘Los lunes al sol’, na Praza Arquitecto Antonio Palacios.
  • Na mesma praza, ás 18:00h. Contacontos, ‘Os contos de maison’.
  • Dende as 19:00h., polas rúas da vila pasarán os participantes na XII Milla Porriñesa
  • Seguindo co deporte, no Campo de Lourambal dispútase o III Torneo de Fútbol ‘Jonathan Vila’
  • E ás 20.00h., no Círculo Recreativo Cultural, con entrada libre e de balde, Teatro: ‘As que limpan’ da Compañía Panadaría, coa actriz porriñesa Areta Bolado. A obra, que conta xa con sete premios, retrata con humor a loita das camareiras de piso por alcanzar uns dereitos laborais e sociais xustos. “É unha comedia musical con música en directo e a capela”, explica Bolado, “que fala sobre as camareiras de piso, as que limpan os hoteis e a loita organizada que levan desde hai anos, e polas que se fixeron tan famosas ‘As Kellys’. Tamén falamos do turismo e os efectos que ten na paisaxe e na vida en xeral das persoas e dos seres vivos. E, por suposto, falamos da fenda de xénero nos traballos de limpeza e coidados”.

Domingo, 15

  • O día comezará co ‘Encontro de Gaiteiros e Cantareiras’ das Asociacións, ás 12:00h. na Praza Arquitecto Antonio Palacios.
  • Ás 18:00h. será a quenda de Os Bolechas Deportistas con ‘Radiolímpica’, polas rúas da vila.
  • E ás 20:00h. a Orquestra de Cámara Galega, porá o punto final á fin de semana na Praza Arquitecto Antonio Palacios.

Tamén en vigoalminuto

También te puede interesar