O Servizo Galego de Saúde (SERGAS) vén de formalizar o contrato para a redacción do proxecto básico e de execución e dirección de obra da nova área de Cirurxía Maxilofacial no Hospital Meixoeiro.
Esta nova unidade estará integrada por un equipo de dous especialistas en cirurxía maxilofacial, unha enfermeira, unha técnica auxiliar de enfermaría e persoal administrativo. Así, as novas instalacións permitirán a realización de cirurxías mediante anestesia local e tamén con sedación.
Está previsto que, de xeito inicial, a unidade atenda cada ano preto de 2.000 persoas, pertencentes ás áreas sanitarias de Vigo e de Ourense, Verín e O Barco de Valdeorras.
Outras novas en vigoalminuto
- Comeza en Vigo o Galician Freaky Film Festival
- O ‘Louro Valley’, no Porriño, aspira a bater récord de asistencia, este sábado
- Vigo empezará 2025 levantado…por las obras
- Formalizado o contrato para o proxecto da nova área de Ciruxía Maxilofacial do Meixoeiro
- Caballero ‘encantado’ con la Diputación tras la firma de tres convenios por más de 6,2 millones
- Todo esto para ti, este fin de semana en Vigo
Equipamento de última xeración
A nova unidade de maxilofacial estará dotada con equipamento de última xeración, incluido un ortopantomógrafo dixital que permite realizar radiografías panorámicas da boca, cunha imaxe de ambos os dous lados do maxilar, da mandíbula e dos dentes, para identificar os problemas orais dos pacientes en 3D. Ademais, as imaxes poden ser visualizadas desde a plataforma de historia clínica electrónica IANUS de forma inmediata.
Este equipo suporá importantes vantaxes, tanto para os pacientes como para os profesionais, dado que emite menor radiación, conta cunha resolución de imaxe de maior calidade que a radiografía analóxica e garante a trazabilidade da información do paciente.
Situación provisional
Mentres se levan a cabo as obras da nova área de cirurxía maxilofacial, disporase dun espazo provisional específico no Hospital Meixoeiro coa dotación dun sofá de atención ao paciente e dos equipamentos necesarios para comezar paulatinamente a realización deste servizo. A previsión é que este espazo provisional comece a funcionar antes de que finalice este mes de setembro.
