A eurodeputada do BNG, Ana Miranda, mantivo un encontro co futuro Comisario de Pesca e Océanos, Costas Kadis, a quen lle trasladou as preocupacións e reivindicacións do sector pesqueiro e marisqueiro galego, xa que “están nunha situación moi difícil”, apuntou, “a consecuencia tanto do goberno da Xunta como do goberno do Estado”.
“Non é normal que a estas alturas Galiza non sexa considerada zona altamente dependente da pesca e por iso trasladeille ao Comisario que será unha das reivindicacións do BNG como voz galega en Europa”, subliñou Ana Miranda, quen considerou a necesidade desta consideración por parte de Bruxelas para o reparto de fondos.
No encontro, celebrado a petición do propio Comisario, a eurodeputada galega tamén lle trasladou o “inxusto reparto das cotas e TACs de pesca”, que ao seu xuízo deixa á pesca galega en peor situación, precisamente “porque negocia mal por nós o Estado e a Comisión usa criterios só baseados na
sustentabilidade medio ambiental, pero sen ter en conta a social e a económica”.
Tamén en vigoalminuto
- La Policía Local de Vigo detiene a un ladrón ‘admirador de Spiderman’
- As Festas de San Telmo en Tui, xa teñen cartel
- África substitúe a Rusia como principal provedora de gas fósil a Galicia
- El alcalde reivindica que el Gobierno aporta el 25% de las 207 viviendas protegidas que la Xunta construye en Navia
- El Gobierno anuncia una red de protección inmediata para los afectados por los aranceles
- Intentan recuperar un cuerpo que ha aparecido en el mar, cerca de la Torre de Hércules
Renovación do FEMPA
A renovación e a modernización da frota, que permitan a remuda xeracional do sector foron outros dos temas da reunión, así como a situación das mariscadoras e mariscadores, que non están a cobrar as axudas e non contan con recursos. Esta situación “esixe unha revisión urxente do Fondo Europeo Marítimo de Pesca e Acuicultura”, salientou Ana Miranda, quen tamén mencionou a necesidade de incrementar os fondos específicos para a rexeneración integral das rías galegas, “xa que non hai pesca sen augas limpas”, explicou.
A eurodeputada galega trasladoulle así mesmo o malestar co Comisario anterior, especialmente “polas medidas tomadas contra a nosa pesca”, como a decisión da veda das 87 zonas da pesca de fondo, que afecta a moitos portos galegos, dende Celeiro a Ribeira. “Galiza ten que seguir pescando e nós como
voz galega en Europa imos defender na Comisión de Pesca do Parlamento Europeo un diálogo para que Galiza teña moita máis forza e peso e un reparto de cotas xustas”, concluíu Ana Miranda.
