Concello de Nigrán e as Comunidades de Montes de Chandebrito e de Camos conmemoran este domingo 13 de outubro en sendas parroquias o ‘VII Aniversario dos Incendios’ con diferentes actos abertos á participación da veciñanza durante toda a mañá que rematarán con choripáns e viño nas Rozadas.
Actos
A xornada comezará ás 11:30 horas ao carón do cemiterio de Camos para desprazarse desde alí á principal entrada do parque forestal nesta parroquia, aquí plantaranse 15 árbores autóctonas e, desde ese punto, realizarase unha andaina ata a outra entrada en Chandebrito (Rozadas) para plantar outros 15 (madroño, pradairo, sobreira, carballo, bidueira e arces).
Nesta mesma área, a partir das 13:00 horas, Árbore Arqueoloxía realizará un obradoiro para as crianzas de fabricación de xabalinas e colgantes e, ás 13:30 horas, serviranse chouripáns e viño para os asistentes.
Durante a mañá farase un recoñecemento especial ás comunidades de montes de Camos e Chandebrito, xa que cederon as 42 hectáreas para realizar o parque forestal, aos centros educativos colaboradores, aos axentes medioambientais de Medio Rural (distrito XVIII) que sempre participan nas diferentes accións nesta contorna e a Jesús Pereira Valverde, veciño de Camos que axuda sempre altruistamente no mantemento e benestar.
Outras novas en vigoalminuto
- Carlos Blanco será o pregoeiro da XXXII Feira do Requexo e Mel das Neves
- Detenido por distribuir ilegalmente medicamentos contra la disfunción eréctil
- ¿Buscas trabajo? Aquí encontrarás algunas ofertas de empleo para Vigo
- Salceda solicita á Xunta que constrúa vivenda protexida na vila
- Jennifer López en Pontevedra, el 8 de julio
- Toman posesión as novas concelleiras das Neves
Lumes de 2017
As parroquias de Chandebrito e Camos viviron o 15 de outubro de 2017 un dos momentos máis tráxicos da súa historia ao sufrir uns gravísimos incendios que se levaron a vida de dúas mulleres nunha evacuación fallida, Angelina Otero e Maximina Iglesias, e máis de 600 hectáreas de monte arrasadas.
“
