A Deputación de Pontevedra aprobou destinar máis de 73.000 euros para que 58 entidades de Vigo organicen neste 2024 diferentes actividades culturais. En liñas xerais, estas axudas benefician a 228 entidades da provincia que recibiron por concorrencia competitiva un total de 300.000 euros no marco desta convocatoria.
A vicepresidenta Luisa Sánchez fixo o anuncio coincidindo cunha visita á Asociación Veciñal, Cultural e Deportiva de Cabral que recibiu unha axuda de máis de 1.200€ para realizar un intercambio cultural a Asturias.
A responsable provincial aproveitou a ocasión para poñer en valor a aposta decidida da Deputación por dar un “xiro ás políticas culturais na provincia en aras dunha maior transparencia e equidade”. Neste sentido Luisa Sánchez lembrou que este ano esta liña de axudas destinadas a promover actividades culturais medrou un 20% con respecto ao ano anterior, co obxectivo de “impulsar propostas que acheguen a todos os habitantes da provincia a cultura, porque o acceso á cultura debe ser universal”.
Festivais, encontros, galas, mostras ou festas
Deste xeito, a través desta liña de axudas provinciais distribuíronse 250.000 euros entre 188 asociacións de 44 concellos para organizar festivais, encontros, galas, mostras, festas e actividades para “poñer en valor o patrimonio inmaterial da provincia” . Ademais, tamén se aprobaron outros 50.000€ para 40 asociacións de 19 concellos para participar en festivais, concertos, intercambios culturais ou encontros que se celebren fóra da Galicia.
Ademais en vigoalminuto
- Sanidade dispuesta a llegar a un acuerdo con Povisa por dos años y 195 millones
- A cuatro meses del fin de su contrato, Vitrasa firma un acuerdo con la Fundación VIDE, dependiente del Concello
- Activada, de novo, a ‘alerta laranxa’ na costa
- Investigan a un hombre de 93 años que condujo 30 kilómetros en sentido contrario por la A-8
- El astillero vigués Freire entrega el nuevo buque de apoyo al mantenimiento, de Briggs Marine
- Si buscas trabajo, te interesarán estas ofertas de empleo
Vigo
No caso concreto de Vigo, 46 entidades recibiron 60.211€ da liña 1, con axudas que oscilan entre os 368 e os 2.500€ para actividades como encontros de teatro, mostras de cine, festivais folclóricos, concursos de canto, festivais de danza e música, certames de cómic, concertos didácticos, certames de regueifas e de humor e, entre outras, mostras de oralidade ou improvisación.
Pola súa banda, outras 12 entidades da cidade recibiron 12.871€ da liña 2, con axudas que oscilan entre os 450 e os 1.779€, para poder asistir a ciclos de música en Roma, desfiles en Portugal, participar en festivais de música en Chile, asistir a festivais folclóricos en Asturias, realizar intercambios culturais en Portugal, Oviedo, Bélxica, actuar en Madrid ou asistir a congresos en Cuba.
