O destino Rías Baixas e a provincia de Pontevedra continúan a bater récords turísticos, tal e como acaban de sacar á luz os datos do Instituto Nacional de Estatística (INE) que constitúen a base da información que emprega a Deputación para os seus informes de turismo.
Neste eido, a institución provincial confirma que o destino Rías Baixas medrou un 16% en setembro do 2024 con respecto ao mesmo mes do ano pasado, converténdose en líder do ránking de destinos turísticos de Galicia elixidos polos viaxeiros, diante de lugares como a Costa da Morte ou as Rías Altas.
Máis de 222.000 visitantes en setembroi
Así, o mes pasado a provincia rexistrou un total de 222.228 visitantes que supoñen o 35% dos que se achegan a Galicia. A porcentaxe maioritaria, o 59%, son españois fronte ao 41% de estranxeiros. Neste eido, o organismo provincia detectou que turismo estranxeiro medrou case o 30% con respecto ao mesmo mes do ano pasado e que a maior parte de visitantes internacionais proveñen de Alemaña, Estados Unidos e Portugal.
Pola súa banda, segundo os datos do INE, a ocupación hoteleira media na provincia en setembro adiantou nun 3% ao mesmo mes do 2023 e a estadía media foi de 2,1 días.
Outras novas en vigoalminuto
- O destino Rías Baixas medra un 16% en setembro e lidera o ránking de lugares turísticos de Galicia
- La Diputación destina más de 500.000€ en ayudas a clubes deportivos de Vigo y el sur de la provincia
- Nigrán disporá do convento dos franciscanos de Vilariño, tras un acordo co Bispado
- Redondela ofrece tres postos de traballo dentro do proxecto +Emprega da Deputación
- Vuelven el sol y los 25 grados de temperatura
- Localizado en Porriño un vecino de Ibiza que había desaparecido el martes pasado
Avance de outubro
Aínda que os datos do Instituto Nacional de Estatística do mes de outubro non estarán dispoñibles ata
finais de novembro, pódese adiantar que o rexistro de visitantes que se achegaron ata a oficina de turismo do Palacete das Mendoza, sede de Turismo Rías Baixas, e aos castelos de Sobroso e Soutomaior.
Polo miúdo, a oficina do Palacete das Mendoza rexistrou, ata a data, preto de 1.000 visitantes, maioritariamente españoles (60%) procedentes de Madrid, Barcelona e Valencia. No caso dos estranxeiros (40%), achegáronse desde Alemaña, Francia e Estados Unidos, detectándose un incremento entre o grupo de visitantes procedentes de Canadá.
Nos castelos de Soutomaior e Sobroso foron visitados por 1.338 persoas e percorreron os Camiños de Santiago que atravesan a provincia un total de 16.615 peregrinos, principalmente polo Camiño Portugués.
