A Copa Deputación de fútbol feminino arrancará o 6 de decembro

A Copa Diputación de fútbol feminino comezará o vindeiro 6 de decembro e rematará o 17 de maio de 2025 coa ‘gran final’. Adiantouno este mércores a vicepresidenta da Deputación de Pontevedra, Luisa Sánchez, quen participou na sede da Federación Galega de Fútbol en Vigo no sorteo deste torneo.

“A Deputación e a Federación unimos as nosas forzas para garantir a supervivencia dunha competición que era unha insignia na provincia e merecía unha continuidade”, asegurou a vicepresidenta provincial.

Encontros

A Copa Deputación de Pontevedra de fútbol feminino arrancará o venres 6 de decembro cos seguintes partidos:

Mondariz CF e a At. Villalonga FF “B”
Salvatierra SD e Gondomar FB
Club Peñasco e SCD Salcedo
Catoira SD e Sárdoma CF “B”
CD Mosteiro e SP. San Mateo
Porriño Ind e SR Casablanca
Union Guardesa e SCD Pontecaldelas
Balaídos CF e Céltiga Féminas
Juv. Cambados e Domaio FC
Racing Vilariño e As Celtas “B”
EF Mos e SD Cruces
CF Cañiza e CD VAlladares
SD Bandeira e Umia CF

O 4 de xaneiro entrará en xogo o Lóstrego CF “B” que competirá co equipo gañador do partido entre o
Unión Guardesa e a SCD Pontecaldelas, e o 4 de marzo o At Arousana e o Tomiño Femenino que
competirán, respectivamente, cos equipos gañadores do partido entre o Mondariz CF e o At. Villalonga FF
“B” e Porriño Ind e SR Casablanca.

Cuartos, semifinais e final

Pola súa banda, os cuartos de final terán lugar o 4 de marzo e as semifinais o 17 de abril e o 1 de maio, da que sairán os equipos que disputarán a final o 17 de maio.

Luisa Sánchez lembrou que o pasado ano participaron en total na Copa Deputación tamén unha trintena de equipos de fútbol feminino da provincia, resultando vencedoras as integrantes do Lóstrego de Gondomar.

Tamén en vigoalminuto

Aposta polo deporte

Tamén aproveitou a ocasión para remarcar a firme aposta da institución provincial polo fútbol feminino “ao que imos apoiar para poder seguir engrosando as bases”. Ademais fixo fincapé no “xiro” das
políticas de deporte da Deputación e salientou como exemplo os “900.000 euros que recibiron 80 clubs que participan en competicións oficiais de ámbito estatal”, os “500.000 euros na liña de axudas á celebración de competicións ou eventos” ou o Plan Extraordinario de Infraestruturas Deportivas, que “pasa dos 4 millóns na súa primeira edición aos 8 millóns en 2025”.

Todo isto, asegurou, “porque os clubs e deportistas desta provincia están nun momento excepcional, acumulando triunfos e situándonos no mapa, e tiñamos que estar á altura para fomentar que Pontevedra se converta no grande estadio deportivo do mundo”.