A Deputación de Pontevedra abre este mércores, 18 de decembro, o prazo para que asociacións e agrupacións sen ánimo de lucro e entidades locais menores poidan solicitar actuacións de grupos e artistas da provincia ao abeiro de +Culturea. Dotado dun millón de euros, este programa busca espallar e manter viva a cultura popular e as tradicións en todo o territorio da provincia e, a través del celebráronse máis de 3.500 actuacións ao longo de 2024.
Beneficiarias
As beneficiarias do programa son entidades locais menores, asociacións ou agrupacións sen ánimo de lucro como asociacións de veciños ou comisións de festas da provincia, que poderán solicitar actuacións para os seus festexos entre as propostas incluídas no catálogo Culturea, que reúne arredor de 1.300 artistas e grupos de diferentes disciplinas.
O catálogo inclúe:
- grupos de animación infantil
- espectáculos audiovisuais
- baile moderno
- ballet
- bandas de gaitas
- bandas de jazz
- bandas de música
- cantautores
- charangas
- grupos de gaitas
- grupos de playback
- grupos folclóricos e folk
- grupos músico vocais
- grupos pop rock
- humoristas
- corais
- artistas de maxia
- música clásica
- orquestras clásicas
- pandereiteiras
- poetas
- rondallas ou
- compañías de teatro
Ademais en vigoalminuto
- Interceptado un nuevo narcosubmarino, con 6.000 kilos de cocaína
- Más de 41 millones de euros para construir el nuevo silo de coches de la terminal de Bouzas
- Fuerza un portal para robar y escapa en bicicleta
- Los fallecidos en 2024 deben presentar la declaración de la renta
- Detenidos tras atracar a un repartidor de pizza, en Porriño
- Arrestado tras agredir a su pareja dándole un rodillazo en la cara
Actuacións que poderán solicitar
Cada unha das entidades poderán solicitar unha actuación dun dos grupos dispoñibles, que deben estar
dirixidas ao público xeral e ser con entrada libre. A Deputación retribuirá aos grupos con importes que van dos 200 aos 800 euros, segundo a categoría á que pertenzan, e a entidade deberá facerse cargo do resto do caché.
As solicitudes, para as que abre o prazo este mércores día 18 de decembro, deben presentarse cunha antelación mínima de 15 días con respecto á data de realización da actuación. Nas bases do programa Culturea poden consultarse todos os detalles e procedementos.
