O Concello de Redondela xa ten no seu poder o proxecto de execución do futuro paseo polo litoral de Cesantes elaborado polo estudo Naos Arquitectura. Esta actuación supón unir cun paseo o porto de Cesantes coa praia da Punta, co que se creará un novo espazo de lecer para a veciñanza de case 4.000 m2.
A alcaldesa, co gallo da súa visita a Madrid para a feira de Turismo, mantivo o xoves unha xuntanza de traballo no Ministerio para a Transición Ecolóxica. A resposta da Directora Xeral de Costas, Ana María Oñoro, foi moi positiva xa que este proxecto do paseo de Cesantes “está na liña da estratexia do ministerio para o futuro do litoral, cunha proposta sostible a nivel ambiental”, afirma Digna Rivas.
Desprazarse camiñando ou en bicicleta desde o centro da vila até a praia da Punta
Con esta actuación Redondela gañará un novo espazo para a cidadanía, “ao tempo que protexemos a paisaxe e melloramos este entorno natural que ten un gran valor ecolóxico”. O paseo polo litoral permitirá á veciñanza desprazarse camiñando ou en bicicleta desde o centro da vila até a praia da Punta.
Outras novas
- Vigo celebrará cun programa de actividades o centenario da doazón do Pazo de Castrelos
- Descubre México con Evaneos: viajes auténticos y sostenibles de la mano de expertos locales
- La oposición alerta de la situación “crítica” de Redondela, después de que Regades admitiese que “es ingobernable”
- Detenido por estafar casi 17.000€ mediante el uso de una tarjeta robada
- Si vives en Vigo, desde este miércoles, 5 de marzo, puedes solicitar la beca de comedor escolar
- Si buscas trabajo, estas son algunas ofertas de empleo, publicadas las últimas horas
Mellora da mobilidade e proteción do litoral
O obxecto da actuación é acondicionar o tramo que discorre xunto á praia de Cesantes para habilitar un espazo dinámico e fomentar unha vida saudable. Así, o paseo terá o seu percorrido paralelo ao mar e os veciños poderán gozar dunha zona natural afastada do tráfico con espazos para o deporte.
Coa creación do paseo tamén se resolverá o problema que presentan aqueles noiros que, coas mareas, sofren pequenas caídas de terreo que supoñen un perigo no transfondo da praia. Tamén se preparará este tramo do litoral ante futuros episodios de subidas do nivel do mar.
Xabre, madeira, pedra e formigón pulido
A senda será de xabre cemento, con tramos de madeira, pedra e formigón pulido. Ademais, contará con zonas de descanso ao longo do percorrido ao que se incorporarán diferentes especies vexetais autóctonas axeitadas para a climatoloxía marítima -moreiras, figueiras, bidueiros -. Nos noiros faranse xardíns que estabilicen o terreo.
