O Consello da Xunta aprobou este luns destinar case 13 millóns de euros para unha nova convocatoria do Bono Alugueiro para a mocidade.
A axuda mensual para o pago do arrendamento chega ata os 250€ e os seus destinatarios son persoas menores de 36 anos que non superen o límite de ingresos equivalente a tres veces o Iprem (25.200 €), segundo explicou o presidente do Goberno galego, Alfonso Rueda.
Tamén en vigoalminuto
- El Ministerio de Transportes confirma que sí habrá descuentos en los trenes desde el 1 de julio
- Un hombre y una mujer detenidos por el robo y posterior venta de diversas joyas
- ¿Qué hacer en Vigo este fin de semana?
- Se presenta en la casa de su ex pareja y la saca a la fuerza arrastrándola
- ¿Buscas traballo? 4 concellos contratarán a 54 persoas por medio do ‘Plan + Provincia’
- Arrestado tras contactar con menores y pedirles fotos y vídeos de contenido sexual
O prezo total da renda para poder optar a esta axuda estará limitada en función da cidade ou vila onde se contrate o alugueiro de vivenda. Así, por exemplo, no caso da Coruña, Santiago, Vigo, Ourense e Pontevedra ese límite será de 700€. No caso de Lugo, Ferrol e as contornas das outras cidades estará entre 500 e 600€ e ata 400€ no resto do país.
Estas axudas -que a Xunta pon en marcha co Goberno do Estado- estarán publicadas no Diario Oficial de Galicia (DOG) o vindeiro xoves, día 20 de febreiro, terán carácter retroactivo desde o 1 de xaneiro deste 2025 e estarán vixentes por un período máximos de 2 anos.
