A delegada da Xunta de Galicia en Vigo, Ana Ortiz, e a alcaldesa de Salvaterra de Miño, Marta Valcárcel, realizaron este luns unha visita ao inicio da obra de humanización da rúa Miño, que está a punto de rematar coa mellora das beirarrúas, calzada, rede de saneamento, alumeado público e arboredo.
Ortiz salientou que a Axencia Galega de Infraestruturas (AXI), dependente da Consellería de Vivenda e Planificación de Infraestruturas, rematará en marzo a obra “Conexión da ponte internacional coa PO-510 (Salvaterra de Miño)”. “Está actuación é moi necesaria polo tráfico tan denso, sobre 10.000 vehículos diarios, e conta cun orzamento de preto de de 500.000 euros, co obxectivo de dispoñer de estradas e rúas máis seguras, accesibles e funcionais neste municipio e así avanzar na ordenación da rede viaria autonómica, que ten a singularidade de canalizar a conexión con Portugal”, sinalou a delegada.
Tamén en vigoalminuto
- Luisa Sánchez, juventud y experiencia
- El alcalde asegura que en 2027 se licitará el proyecto del AVE directo por Cerdedo
- O BNG elabora unha lei na que propón que as empresas que se deslocalicen, devolvan as axudas públicas
- Responsables del Puerto de Vigo y ADIF analizan la conexión por tren de Guixar a la PLISAN
- El envejecimiento se acentúa: por cada 10 gallegos menores de 16 años hay 22 mayores de 64
- El partido de este viernes en Balaídos, el último que se juegue con la actual grada de Gol
Pola súa banda, a alcaldesa engadiu que “estamos moi contentos co ritmo que leva a obra, xa que se trata dunha reforma moi necesaria para mellorar a mobilidade nunha zona complicada”. A actuación céntrase nun treito de algo máis de 350 metros, o que vai desde a rúa Rosalía de Castro ata a rúa Fontoura, cun prazo de execución dos traballos de seis meses.
Ana Ortiz sinalou que as obras consisten na pavimentación dos viarios cunha mellora do firme, que inclúe unha capa de regularización; construción das beirarrúas unificando os seus anchos e mellorando e unificando o deseño dos accesos aos garaxes. Tamén levarase a cabo a construción de sumidoiros e rede de alumeado, así como a sinalización horizontal da estrada e a reposición do arboredo.
