A Xunta pon á disposición dos promotores e cooperativas un total de 82 parcelas de solo residencial urbanizado, destinadas á construción de 153 vivendas protexidas, no polígono 1 de San Paio de Navia, en Vigo.
O concurso inclúe unicamente parcelas do polígono 1, cuxas obras de urbanización están moi avanzadas e remataranse na próxima primavera. Así o Consello recibiu información da próxima convocatoria do concurso público polo que se adxudicarán as ditas parcelas. O prego deste concurso estará listo este mesmo mes.
Preferencia
O solo ten que destinarse á construción de vivenda protexida destinada a alugueiro ou a compravenda. Terán preferencia as ofertas destinadas á construción de vivendas en alugueiro e a adxudicación en dereito de superficie, así como as vivendas que vaia ter un prezo de renda ou venda máis reducido (réxime especial).
En función dos ditos criterios, a preferencia para a adxudicación das parcelas será a seguinte:
| Preferencia | Tipoloxía e Destino | Forma Adxudicación |
| 1º Réxime especial | Alugueiro | Dereito de superficie |
| 2º Réxime xeral | Alugueiro | Dereito de superficie |
| 3º Réxime Especial | Alugueiro | Compra |
| 4º Réxime Xeral | Alugueiro | Compra |
| 5º Réxime Especial | Venda | Compra |
| 6º Réxime Xeral | Venda | Compra |
| 7º Réxime Concetrado | Alugueiro | Dereito de Superficie |
| 8º Réxime Concertado | Alugueiro | Compra |
| 9º Réxime Concertado | Venda | Compra |
No caso de adxudicación do solo en dereito de superficie, a concesión será por 75 anos. A Xunta conservará a propiedade do solo e os adxudicatarios satisfarán por el un canon anual moi reducido.
Ao remate do período de concesión, o solo volverá a dominio da Xunta, xunto coas vivendas construídas nel, que pasarán a formar parte do parque público de vivenda.
Tamén en vigoalminuto
- Peinador creció en noviembre en número de viajeros, pero sigue siendo el tercer aeropuerto gallego
- Las obras de la Avenida de Madrid se prolongarán 4 meses más de lo previsto
- El Puerto inicia la instalación de las pasarelas de acceso al visor submarino de “Peiraos do Solpor”
- Dúas persoas falecen nun choque frontal entre un turismo e un camión na N-547 en Arzúa
- Vigo implanta un programa pionero de cribado para detectar la disfagia en pacientes hospitalizados
- La Policía Nacional intercepta por primera vez en España un alijo de pastillas de heroína
755 VPP en execución
Actualmente a Xunta ten 755 vivendas de promoción pública en diversas fases de execución nos polígonos 1 e 2 de San Paio de Navia, ademais de estar executando as obras de urbanización do polígono 1 e ter licitadas as obras de urbanización do polígono 2, que se prevé iniciar no mes de marzo próximo.
