A Cañiza celebrou o seu tradicional ‘Concurso de Comparsas’ que este ano xuntou a máis de 300 participantes, que deixaron pegada da súa orixinalidade saíndo polas rúa do centro.
En total 6 comparsas de adultos e 2 infantís encheron de bo humor, a creatividade, o ritmo e a ledicia ao concurso organizado polo Concello, ao que deu a saída o alcalde, Luis Piña, quen agradeceu non so o bo facer dos integrantes das comparsas, subliñando o seu compromiso para facer realidade os bos momentos e a complicidade dunha festa que, subliñou, cada ano é máis agardada.
Piña tamén subliñou o bo facer dos empregados municipais, moi especialmente os das concellerías de Cultura e de obras, e o traballo do xurado, formado polo pintor e escultor Diego de Giráldez, o deseñador de moda Cristobal Vidal, a productora, directora e actriz Marta Pérez e o profesor da Escola de Música Agustín Domínguez.
‘En Oroso viven como reinas’ e ‘Por un amor eterno’
No Entroido deste 2025, os premios para os participantes eran de 2.300€, repartidos en 500, 300, 200 e 150€ para os tres primeiros clasificados, tanto na categoría de adultos, como na infantil.
Finalmente, os galardoados en categoría de adultos foron:
- 1º Premio: “En Oroso viven como reinas”
- 2 º Premio: “Springfield invade A Cañiza”
- 3º Premio: “Paxaretada na Cañiza”
- 4º Premio: “Barbieland”
Na categoría infantil
- 1º Premio: “Por un amor eterno”
- 2º Premio “Chusquilego”
