Entrada a estación da primaveira, a A.V.C.U. – C.S.C.R. de Beade prosegue a súa programación cultural con actividades solidarias, concertos, moda e xogos intersociais.
Sábado, 5 de abril
Os “XLVI Xogos Intersociais” poñen fin á temporada 2024/25 co “torneo relámpago” o vindeiro sábado 5 de abril nas instalacións da A.V.C.U. – C.S.C.R. de Beade. A cita, que dará comezo ás 16:00h, contará coa posterior entrega de premios amenizada polo Grupo de cordas clásicas do C.S.C.R. de Beade.
Ese mesmo día, a Banda Xuvenil de Beade e a Banda Escola de Música de Beade porán a banda sonora da floración estacional co “Concerto da cerdeira en flor”, un acto englobado dentro do programa “Vigo, un mar de Bandas” que dará comezo ás 18:00h no Auditorio do C.S.C.R. de Beade.
Domingo, 6
Seguidamente, o domingo 6 de abril ás 18:00h se celebrará no Auditorio do C.S.C.R. de Beade a “Gala solidaria a favor de Vacacións en Paz”, estando presentes o Grupo de baile moderno do C.S.C.R. de Beade, Grupo de bachata do C.S.C.R. de Beade e Pasión Flamenca.
Otras noticias
- Sinsal Primavera, chega a Vigo
- Detenido tras dar una paliza a una persona
- Juan Carlos I pide 50.000€ a Miguel Ángel Revilla, por unas “declaraciones injuriosas”
Beade en pasarela
Finalmente, a parroquia viguesa será o epicentro da moda con “Beade en pasarela”, evento organizado pola Asociación Xuvenil de Beade en colaboración da A.V.C.U. – C.S.C.R. de Beade no que modelos amateurs desfilarán pola pasarela para casas comerciais.
O acto, programado para o 26 de abril no Auditorio do C.S.C.R. de Beade, está pendente de horario.
