Música, cultura e gastronomía abren, este sábado, as festas de San Telmo, en Tui

Tui xa está preparado para vivir 10 días de festas na honra a San Telmo. Debido ás previsións meteorolóxicas cambia o emprazamento das primeiras actividades que se trasladan ao Mercado de San Antonio. Así o actor, monologuista e contador de historias Avelino González, dará lectura ao pregón das festas no auditorio situado no exterior do Mercado este sábado, 19 de abril, ás 12.45 h.

Tamén en vigoalminuto

Música, viño e gastronomía

Xa dende ás 12:00 h o Mercado acollerá a actuación do grupo de gaitas Lembranzas da Terra de Guillarei, e os tradicionais Xigantes e Cabezudos bailarán ao ritmo da nosa música. A esa hora abrirán tamén os postos das 12 adegas participantes este ano no IV Encontro de Viños da Raia, que se distribuirán no
interior do Mercado. Serán Corisca e Quiñóns da Insua de Tui; Edmund do Val de Valença; Sergio Álvarez, Adega Pateira, Jorge Marcote, e Adega Xesteiro do Rosal; Marcio Lópes de Melgaço; Adega do Ricón, Chan de Vide e Miguel Alonso viticultor de Arbo; e María Bargiela de Salvaterra. Mentres que a zona de
degustación, que contará con climatización, estará preparada no exterior.

Na cita non faltará a gastronomía que chegará da man de Almacén Urbano, D’Calle e Maruxa Market, que contan con posto no Mercado, e aos que se sumará Vioncas Bake. Ofrecerán degustacións tanto doces coma salgadas para acompañar aos viños blancos, tintos e espumosos que protagonizarán este cuarto Encontro. O horario será de 12:00 a 16:00 h e de 20:00 a 23:00 h.

Amias o sábado, ás 18.30 h, terá lugar no Mercado de San Antonio II Concurso de Cata Amateur a cegas guiada polo sumiller Sebaristas. É preciso inscribirse previamente na Oficina de Turismo. No Mercado actuará tamén a Charanga Cantos Somos de 20:00 a 22:00 h.

Premios Cidade de Tui

O Teatro Municipal acollerá ás 18.30 h a Gala de entrega dos Premios Cidade de Tui á Sociedad Tuy Salceda. Asociación Mutual, Cultural y Recreativa” de Bos Aires, na categoría colectiva, e a Manuel e María Teresa Vázquez de la Cruz, na individual de forma ex aequo. A continuación na Sala Municipal procederase á inauguración da exposición “A Fermosura do Pequeno”, con maquetas de Tui
de José Martínez Clotet.

‘G Face’ e ‘Heredeiros da Crus’ abren esta fin de semana as Festas de San Telmo, en Tui

Concerto de G-Face

A partir das 21:00 h a actividade trasládase ao Espazo Feiral onde foi instalada unha gran carpa con capacidade para 4.000 persoas. A esa hora comezará o I Encontro de Bandas de Gaitas no que participarán as catro bandas tudenses Arume de Malvas, A Insua de Caldelas, Guillarei e Paramos.

Pechará a programación deste primeiro día de festas o artista G-Face ás doce da noite iniciando en Tui a súa xira “G Face na Casa” cun espectáculo de case dúas horas no que estaráacompañado por unha banda de catro músicos, dous coristas, un corpo de baile e un cadro de mariachis.