O Goberno galego vén de publicar no Diario Oficial de Galicia (DOG) a orde pola que se regula a concesión das subvencións para as agrupacións de voluntarios de Protección Civil para o ano 2010, que contarán cun importe de 405.000 euros e que se suman aos outros 400.000 que a Xunta adicará aos voluntarios de Protección Civil para o Plan de Atención ao Peregrino. As solicitudes poderán presentarse nas delegacións territoriais da Xunta de Galicia ata o día 8 de febreiro.Destino das axudas
Neste sentido, as subvencións poderán ser investidas en equipamento e vestimenta para o persoal, gastos ocasionados durante as actuacións levadas a cabo pola agrupación en materia de protección civil –así como os ocasionados pola conservación e mantemento da súa base e os de comunicación-, pagamento de seguros, formación dos seus compoñentes, e equipamento do material informática e de comunicacións.
Avaliación
Para a concesión destas axudas estudaranse unha serie de criterios de avaliación como son o número de voluntarios asegurados da agrupación e a cifra total de inscritos, a calidade na resposta aos requirimentos de intervención, a existencia de riscos especialmente graves no concello – de acordo cos mapas e análise de riscos establecidos no Platerga- e o número de horas de formación na Academia Galega de Seguridade Pública (AGASP) dos membros do grupo ao longo do ano 2009.
