Máis de 2.000 Afectados polas Preferentes maniféstanse en Vigo en contra da ‘quita’

Máis de 2.000 personas, na súa maioría aforradores que teñen “atrapados” os seus cartos en Novagalicia Banco, acudiron este sábado en Vigo á convocatoria feita pola Plataforma de afectados pola compra de Preferentes de Vigo-Val Miñor, para protestar contra as ‘quitas’, aprobadas polo Fondo de Reestructuración Ordenada Bancaria (FROB) e ratificadas polo Congreso dos Deputados.

Á manifestación acudiron boa parte das plataformas de afectados de Galicia, que representan a máis de 47.000 aforradores as que os bancos e caixas reteñen máis de 1.000 millóns de euros.

Sen incidentes de ningún tipo, o que hacía innecesaria a presenza de hasta cinco furgóns da Policía Nacional, os organizadores subliñaron que “este non é un acto político centrado en gañar ou facer perder votos”, senon unha protesta contra a “estafa máis grande da historia de España”, algo que, indican, xa foi recoñecido por todo o mundo, “dende o empregado do banco que nos vendeu estos productos, hasta o presidente do Goberno, pasando pola Fiscalía, a Xunta, os partidos políticos, concellos, mesmo a Xustiza”.

Os afectados esixiron que “se nos devolvan os nosos aforros, todos eles, porque non somos inversores, senon traballadores que loitamos durante toda a vida para ter uns cartos que, nesta situación na que estamos fainos falla para vivir” .

A xuizo dos organizadores, “son todos os cidadáns os implicados porque todos estamos sufrindo quitas nos nosos dereitos, nos nosos salarios, nas nosas pensións, na educación e na sanidade”, ao tempo que salientan que a solución plantexada polos políticos “non é máis que unha montaxe para gañar tempo e que a opinión pública se esqueza de todo o nos acabemos cansándonos…ou morrendo”.

A concentración que saiu do cruce de Jenaro de la Fuente e baixou polos Choróns e Urzaíz, sí ocasionou un considerable atranco no tráfico, en especial en Pizarro e as saídas cara a a Travesía de Vigo, onde os conductores agardaban ate media hora para avanzar apenas trescentos metros.