As estradas galegas cobráronse unha nova vida esta fin de semana

Apenas 44 accidentes de circulación, por debaixo da media, pero 60 víctimas, unha delas mortal. Ese é o balance que nos deixa esta fin de semana as estradas galegas, que provocaron 59 chamadas ao 061 alertando dun sinistro. O peor día foi o sábado, con 20 accidentes, case a metade dos acontecidos desde as 15 horas do venres ata as 23:59 h do domingo.

A Coruña foi a provincia que máis accidentes rexistrou, con 19 sinistros, seguida moi de preto por Pontevedra, con 18. En Ourense produxéronse 6 e en Lugo tan só un. O 62 por cento dos atendidos foron homes e o 63 por cento das vítimas tiña entre 20 e 44 anos. O helicóptero medicalizado foi requerido para un dos sinistros.

En 51 casos os feridos foron trasladados a centros hospitalarios, outras dúas vítimas a un centro de saúde e seis lesionados foron atendidas no propio lugar do incidente sen necesitar traslado. Un dos accidentados morreu no mesmo lugar do sinistro.

En Vigo

A fin de semana tamén foi moi accidentada en Vigo. En total, 19 sinistros, máis da metade deles con víctimas. Entre os feridos houbo 12 leves (7 conductores, 4 ocupantes e un peatón) e un grave, un peatón. Entre os accidentes produxéronse dous atropellos, o primeiro deles o sábado ás 05:35 horas, no que un home de 32 anos arrollou a unha muller de 27 que estaba na beirarrúa en Beiramar coa rúa Coruña. A vítima resultou ferida leve.

O segundo suceso produciuse onte ás 17:30 horas na Avenida de Samil, onde un turismo conducido por un homre de 57 anos atropellou a unha muller de 46 que resultou ferida grave.