Esquerda Unida en Vigo, participa hoxe na mobilización que partirá ás 7 e media da tarde da Praza da Independencia pola subrogación dos traballadores e traballadoras dos centros cívicos. Para EU o “proceso de precarización e arbitrariedade na contratación pública e nas condicións de traballo nos servizos municipais empeza a agravarse a medida que avanza a lexislatura”, algo que, subliña, Esquerda Unida tiña denunciado reiteradamente.
Igualmente membros do Consello Local de EU participarán 6 da tarde na concentración en Príncipe para reclamar a reapertura do programa “Sereos do Casco Vello”, “programa de integración social que ven de ser desaloxado do local que históricamente ocupaba no centro de Vigo”.
EU considera que xa son demasiados os casos de denuncias de imcumprimentos de condicións laborais en numerosos servizos municipais, “casos especialmente evidentes cando acceden á xestión dos mesmos novas contratas como o servicio de intermediación familiar donde co acceso de Clece á xestión do mesmo a plantilla está a asistir a un calculado proceso de degradación das condicións laboráis”.
