Todos os alumnos do ensino de Galicia- dende 3º da ESO- están chamados á folga este mércores e mañá, xoves, polo Sindicato de Estudantes, para denunciar os recortes en educación e esixir a retirada da Lei Orgánica par a Mellora da Calidade Educativa (Lomce) – a Lei Wert– polo “seu carácter nostálxico do franquismo».
A folga- secundada so polo Sindicato de Estudantes- quere servir para denunciar o “retroceso en materia educativa co Goberno do PP” que «está a intentar eliminar os fillos dos traballadores do ensino universitario, acabando coa educación pública en beneficio dos centros privados e concertados”.
O Sindicato de Estudantes pide a dimisión do ministro Wert, reclama a readmisión de profesorado despedido, demanda gratuidade de matrículas, que non se faga da FP unha educación de segunda e critica «a españolización da educación» e «o adoutrinamento» a través da relixión.
Nesta liña, o sindicato califica a lei dun texto da dereita radical e advirte que nos próximos dous meses máis de 14.000 alumnos do Estado terán que devolver as súas bolsas do Ministerio.
O acto central da folga será este xoves con manifestacións en diferentes lugares de Galicia, entre eles Compostela, Ferrol, Lugo e Vigo- ás 12-.
