A Autopista cortada en Compostela, sentido Vigo, logo de que envorcase un camión

A Autopista segue pechada en Compostela – en sentido Vigo- dende as 3 e media desta madrugada logo de que un camión de grande tonelaxe envorcase na vía, segundo informan os Bombeiros de Santiago.

A Garda Civil de Tráfico explicou que logo de atender ao chofer, que sufre feridas de pouca gravidade, e retirar os productos de supermercado que levaba o camión, un guindastre ‘pluma’ tenta retirar o camión da calzada, o que obrigou a pechar ao tráfico a AP-9 entre os quilómetros 67 e 71, preto de San Lázaro.