Chegaron a Vigo, as VI Xornadas sobre Tecnoloxías e Solucións para a Automatización Industrial (JAI 2014), organizadas pola UVigo, que permanecerán en activo ata o venres, 7 de novembro, no centro social Afundación. O robot NAO foi o encargado de dar a benvida ao alcalde de Vigo, Abel Caballero; e o reitor da Universidade de Vigo, Salustiano Mato, entre demais personalidades.
Responsables de compañías coma PSA Peugeot Citroën ou Siemens, así coma de centros de tecnolóxicos, impartirán ponencias orientadas para que os asistentes, alumnos e docentes tanto nacionais, da eurorrexión Galicia-Norte de Portugal, e de Iberoamérica, renoven a súa información no ámbito da enxeñaría. Segundo a UVigo participarán nos 5 días, 500 estudantes e 300 profesionais.
No evento podíase atopar a maqueta do estadio de Balaídos do futuro, executada por unha empresa creada por ex alumnos da Universidade de Vigo, Lupeon 3D.
