Alberto Verea (Maniotas) e Laura Dosil (Natural Sport Ribeira) foron elixidos mellores competidores do Campionato Galego Júnior 2014, que se celebrou este sábado en Porto do Son coa participación de 150 deportistas.
Na clasificación xeral por clubes, o Mace Sport de Pontevedra gañou na categoría masculina e o Natural Sport de Ribeira, na feminina. Este torneo ten unha enorme importancia para as e os deportistas xa que en xogo está a clasificación para o Campionato de España, que dará prazas para o Europeo da categoría.
