A Policía Nacional abriu unha investigación para esclarecer o lanzamento de pedras dende unha pasarela sobre a autoestrada AP-9 en Vigo. A comisaría da cidade ven de destacar un dispositivo de vixiancia na pasarela que vai de Mestre Chané a Julia Minguillón e Montecelo. Nelas foi nas que, segundo varias denuncias de conductores á Garda Civil de Tráfico, viron a un par de persoas guindando pedras aos coches.
O 091 coñeceu os feitos o pasado domingo, logo de que Emerxencias 112 Galicia avisara da chamada dun conductor alertando de que había varias persoas na pasarela lanzando pedras, ademáis da comunicación da Garda Civil, quen adxuntou dúas denuncias por estos feitos.
A Policía advirte do gravísimo risco que supón facer iste e advirte que, “como pouco, é un delito de danos e que mesmo pode chegar a provocar accidentes graves e ser constitutiva dun delito de homicidio en grao de tentativa”.
