A cidade será a protagonista dun spot publicitario “Vigo, land of seas”, que grabarán a semana que ven os alumnos do IES Audiovisual de Vigo. O proxecto, que involucra a estudantes de Produción e Realización, está enfocado aos turistas estranxeiros que chegan ao porto vigués.
Os protagonistas do video promocional serán Alfonso Agra e Uxía Blanco, que participaron en series coma Mareas Vivas, e actualmente, en Serramoura. A rodaxe terá lugar en localizacións diversas, como o Arenal, a zona vella ou Príncipe.
O spot orientado aos viaxeiros de cruceiros, que xeran máis de 15 millóns de euros anuais, servirá para amosarlles os lugares representativos e emblemáticos da cidade. O proxecto, a maiores, se presentará en feiras de turismo a nivel internacional, como Fitur.
