Antonio Durán ‘Morris’ e Pedro Alonso empezan estes días en Teis os ensaios da última montaxe teatral de Eme2 e Tanttaka, a comedia teatral ‘O Crédito’, que leva máis dun ano obtendo éxitos en Madrid e Barcelona, e que se estrearán, en Pontevedra o 5 de febreiro, tras o que percorrerá os teatros das principais localidades galegas.
O argumento da obra formula unha oficina bancaria e dous homes: o director da entidade (Antonio Durán ‘Morris’) e un cliente (Pedro Alonso). “O último pide un crédito porque o necesita. E o primeiro non llo dá porque non pode dalo. Ao cliente non parecen quedarlle moitas opcións, pero garda un ás na manga e non dubida en empregalo”, avanzan os promotores.
Segundo a prensa especializada, trátase dunha “orixinal comedia sobre como conseguir un empréstito cando os bancos pechan a billa aos particulares e pon “o enxeño ao servizo dos malos tempos”.
