Nova ‘cacerolada’ dos traballadores da Sanidade Pública de Vigo para denunciar a “súa privatización e desmontaxe”

Como fixeran este mércores diante do Hospital Xeral, traballadores do Complexo Hospitalario Universitario de Vigo (Chuvi), repetiron este xoves, no Meixoeiro a ‘cacerolada’ en protesta pola “privatización e os recortes” en saúde na área sanitaria viguesa.

Os traballadores volveron a advertir que hai un auténtico proceso de privatización e desmontaxe da Sanidade Pública, que empezou coa retirada do laboratorio central da Área de Vigo do novo hospital, e seguirá coa Unidades de Xestión Clínica, que están a poñer “en perigo real e inmediato”os servizos de Cardioloxía, Hemodinámica e Arritmias no Hospital Meixoeiro,”mesmo baixo ameazas e intimidacións ao persoal para que voluntariamente se adscriban a estas”.

Os representantes dos traballadores lembraron que as mobilizacións seguirán o día 26, ás 8 da tarde, cunha protesta-’velorio’ no Xeral, e xa o día 19 de marzo na manifestación organizada por SOS Sanidade Pública.