Centos de persoas esixiron este domingo, en Compostela, que os enfermos de Hepatite C reciban xa a medicación. Berrando lemas como ‘Rajoy, presidente, nos condenas a muerte’ y ‘Rocío Mosquera, dimisión por embustera’, os manifestantes sairon da estación do tren rematando a concentración na Praza da Quintana.
A manifestación convocouse logo de que o Ministerio de Sanidade presentase o xoves o Plan Estatal contra a Hepatite C: segundo o mesmo hai 95.524 pacientes diagnosticados no estado, dos que pouca máis da metade-51.964- teñen que ser tratados cos novos fármacos, para o cal son precisos algo máis de 727 millóns de euros.
