‘Nigrán Decide’, “garante os ingresos do Concello cunha menor presión fiscal aos veciños”

‘Nigrán Decide’ apoiou a baixada dos tipos de gravame do 0,52 ao 0,50% proposta no pleno deste xoves, para que o tipo de gravame do IBI –a popular Contribución- quede como estaba antes da xestión do Partido Popular. Entre as razóns para apoiar esta baixada, que foi aprobada, están, ademais de que no referente a tributos, “non só debemos ter en conta as necesidades de xestión do Concello, senón tamén a situación económica da veciñanza, en particular das familias máis desfavorecidas”, indiocan dende a formación.

Tamén, subliña, segundo as estimacións feitas, a recadación polo IBI cun tipo de gravame do 0,50 serían similares respecto ao recadado no ano 2015, polo que quedarían garantidos os recursos para que o goberno municipal poida realizar a súa acción de goberno. Á actualización do valor catastral solicitado polo goberno municipal, na que se aumenta o valor de todos os inmobles un 10%, únese agora a regularización catastral solicitada. Aínda que é difícil saber as consecuencias para os ingresos de Nigrán pola recadación do IBI, ‘Nigrán Decide’ constatou que noutros concellos onde se levou a cabo a regularización, a base liquidable do IBI aumentou até un 15%.

Ademáis, o grupo municipal presentou no Pleno unha emenda ao ditame informado favorablemente na Comisión de Contas para evitar o aumento nas vivendas unifamiliares da taxa de recollida do lixo de 75,6 € a 78,25 €, que foi rexeitada polos votos do Partido Popular.

Para ‘Nigrán Decide’, a xestión do orzamento non só e cuestión de recadar máis, “que é o que resulta mais fácil, tamén é cuestión de controlar os gastos”. É por iso polo que acompañando a emenda, presentou unha moción urxente para que se deixe de pagar á concesionaria polos servizos non realizados, e se lle reclamen os servizos pagados e non realizados con anterioridade.

En relación a esta moción aínda que non se chegou a votar, o goberno municipal compremeteuse a levala a cabo cando remate o expediente administrativo de auditoría da concesionaria. Segundo os datos dos que dispón esta formación, nunha primeira análise, poñen de manifesto que se lle está pagando á concesionaria por servizos non realizados.