Os gandeiros que dende hai días rodean a Muralla de Lugo con máis de 300 tractores, seguirán alí as datas de Nadal para seguir amosando a súa protesta polo baixo prezo que perciben polo leite. Os gandeiros tomaron a medida ante a falla “total” de solucións e o empeoramento da súa situación.
Ata hoxe os prezos non subiron, “todo segue igual”, aseguran, sinalando que o mes pasado pagáronlles entre 25 e 27 céntimos polo litro de leite, unha cantidade que fai imposible cubrir custos algo que creen que non será unha realidade se o prezo non sube, cando menos, ata os 34 céntimos.
