Agotadas en 45 minutos as entradas por Internet para Cans

As entradas para poder acudir ás proxeccións de curtas nos galpóns do Festival de Cans voaron. Directamente. En apenas 45 minutos o público reservou todos os packs de entrada máis camiseta dispoñibles na web. Así que agora a única oportunidade de encontrar ‘butaca’ será o vindeiro venres.

Se queres aínda conseguir a túa entrada achégate ás 20 horas do vindeiro día 14 ao torreiro de Cans. O prezo da venta será de 7 euros e só poderás conseguir un máximo de dúas entradas por persoa por estricta orde de chegada.

Se non a consigues, non te preocupes, non é o fin do mundo xa que hai unha morea de actividades gratuitas. Todo o programa do mércores 19, xoves e venres será de entrada libre, igual que o do sábado pola mañá. Ademais, poderás disfrutar de balde de todos os concertos, incluido o de Coque Malla e Di Elas. Con entrada ou sen ela, en Cans valo pasar de medo.