O Concello de Nigrán vén de cancelar as actividades programadas no Auditorio Municipal e de voluntariado nas dunas de Panxón. Ademáis, apraza o inicio dos obradoiros para maiores, mentres dure o estado de alerta vermella por Covid-19 no municipio.
O goberno local, tal e como fixo suspendendo a gala dos Premios Nigrán este sábado 17 de outubro, toma esta decisión por responsabilidade ante o aumento do número de contaxios.
Aprázase ata novo aviso a sesión de cineclub do xoves e a representación de ‘Lume!’ de Teatro do Ar do sábado, ambos no Auditorio. Igualmente, adíase o teatro do xoves en IES Proval e a actividade de voluntariado do GALP na contorna das dunas de Panxón. Retrásase, tamén o inicio dos obradoiros de memoria para maiores no Centro da Terceira Idade. Por último, tampouco disputaranse as probas do circuito galego de Surf en Patos, cando menos, ata o 24 de outubro.
Máis de 21 casos positivos nunha semana
“Só sabemos que desde hoxe estamos en alerta vermella, o que quere dicir que se detectaron máis de 21 casos positivos nunha semana, pero non temos cifras concretas nin áreas”, sinala o alcalde.
Juan González subliñá que “o importante agora é seguir cumprindo estritamente as indicacións sanitarias, tal e como a veciñanza ven facendo con exemplaridade desde o inicio da pandemia”.
