Axentes de Policía atoparon este mércores, no concello de Mugardos, o corpo sen vida dunha muller de 59 anos de idade, na súa casa. A muller, que tiña fillos e sobriños, levaba, cando menos, dous anos morta.
O suceso descubriuse logo de que se retirase da rúa o seu coche para facer unhas obras. O guindastre municipal levou o vehículo ao depósito, pero ninguén preguntou polo mesmo nen foi a recollelo.
Á vista desta circunstancia, a Policía Local comezou a investigar ata que, finalmente, foi posible entrar na casa na que residía, onde atoparon o corpo en avanzado estado de descomposición.
