Xa fora alcaldesa entre 2000 e 2003
Nava Castro (Ponteareas, 1969), actual directora de Turismo de Galicia, será a candidata do Partido Popular Alcaldía de Ponteareas. Castro xa fora alcaldesa hai 20 anos, entre 2000 e 2003, relevando ao seu pai, José Castro, quen estivo no cargo máis de tres décadas.
Licenciada en Filoloxía Hispánica pola Universidade Complutense de Madrid. Foi tenente de alcalde do concello de Ponteareas, e concelleira de Economía e Facenda e de Servizos Sociais. En setembro de 1998 entrou no Parlamento de Galicia.
Alcaldesa
Cando o seu pai foi condenado por falsidade documental e prevaricación substituíno como alcaldesa de Ponteareas, cargo que detentou entre os anos 2000 e 2003.
Nas eleccións xerais de 2008 foi elixida deputada polo Partido Popular pola provincia de Pontevedra. Renunciou en maio de 2009. Foi Directora xeral de Comercio da Consellería de Economía e Industria e, dende o 17 de xaneiro de 2013, secretaria xeral de Turismo da Xunta, posto que posteriormente se renomeou como directora.
