É o día 12 en Compostela
A Mancomunidade Intermunicipal do Baixo Miño, formada polos concellos da Guarda, O Rosal, Tomiño e Tui, súmase á manifestación convocada polas plataformas en defensa da sanidade pública da comarca xunto con SOS Sanidade Pública, “ante o continuo desmantelamento da atención primaria ante a falta de dotación de persoal e medios”.
3 euros
Así, a Mancomunidade porá a disposición da veciñanza transporte público para asistir a esta manifestación que se celebrará o domingo 12 de febreiro ás 12.00 horas en Santiago de Compostela. Os autobuses terán un custo de 3 euros por persoa. As veciñas e veciños interesados poderán solicitar o autobús a través dos formularios habilitados nas webs dos catro concellos – A Guarda, O Rosal, Tomiño e Tui – indicando nome, apelidos, teléfono de contacto e indicando en cal destes municipios se collería o transporte.
En función do número de solicitudes deseñaranse os horarios e rutas necesarios e daranse a coñecer. Os formularios estarán abertos ata o venres 10 de febreiro.
