Estarán na cidade dende este venres ata o luns
Seis localizadores nacionais e internacionais de cinema, televisión e publicidade participan desde este venres e ata o luns nunha viaxe de familiarización para incluír a Vigo como ‘plató’ para rodaxes. Os localizadores – que participaron en grandes producións como “The Crown”, “A casa de papel”, “Cóntame como pasou”, “Vampire Academy” ou campañas de publicidade internacionais – mostraron nos últimos meses un gran interese por coñecer a cidade coa intención de incluila como escenario de producións.
Grandes produtoras
Estes profesionais traballan para as principais empresas audiovisuais que desenvolven nestes momentos grandes producións nacionais e internacionais para cinema e plataformas, como son Palma Pictures, Calle Cruzada, Vancouver Media e Fresco Film.
O alcalde salientou a promoción de Vigo no eido audiovisual, por medio da Vigo Film Office, e a oferta de diferentes espazos para a realización de rodaxes. Así, puxo a colaboración do Concello con outros rodaxes, como o que remata este xoves. Trátase da longametraxe “Why. Because…?”, dunha das directoras máis recoñecidas de Filipinas, Sigrid A. Bernardo.
