“Vigo, cidade amiga dos maiores” ofrece 7.500 prazas gratuitas
O Concello abriu o prazo de inscrición nas diferentes actividades do programa de avllentamento activo “Vigo, cidade amiga dos maiores”, que se estenderá ao longo de todo o ano. Este inclúe as actividades orientadas á estimulación cognitiva, actividade física, lecer e adquisición de competencias.
De maio a decembro
Este programa municipal ofrece 7.500 prazas dende maio a decembro e pon como único requisito para participar de ter máis de 65 anos e estar empadroado en Vigo. A inscrición pode facerse a través do teléfono 010 ou das asociacións veciñais e entidades rexistradas no programa.
As actividades para os 800 primeiros participantes comezan o 2 maio e ao longo de mes que ven e de xuño, convocaranse as 6.700 novas prazas de roteiros pola ría e actividades ao aire libre nas prazas da cidade.
De cursos a actividades de lecer
“Vigo, cidade amiga dos maiores” programa talleres e cursos en centros cívicos, asociacións veciñais e ao aire libre. O mesmo abrangue actividades de lecer saudable (estimulación cognitiva, ximnasia…); dixitalización e competencias dixitais (desde o uso dun móbil ata trámites en liña con administracións); paseos pola ría en barco para o que haberá 2.500 prazas; saídas organizadas con monitores a distintas actividades lúdicas como teatros, cinema, museos; excursións fóra de Vigo para as que o Concello asumirá autobuses e monitores de acompañamento.
Amais, desde xuño e durante todo o verán, as actividades desenvolveranse nas principais prazas da cidade: Alameda de Bouzas, Praza da Miñoca, Praza da Independencia, Peonil do Calvario ou a Praza do Mercado de Teis.
