O convenio provoca unha nova folga indefinida en A Granxa

Os traballadores da empresa Alymosa, que fabrica compoñentes para automoción no polígono da Granxa do Porriño, comezará o luns unha folga indefinida para protestar polo bloqueo nas negociacións do convenio colectivo despois de catro xornadas de paros de catro horas. As conversas suspendéronse onte de madrugada sen acordo despois de que a compañía ofrecese o mesmo que vén propoñendo dende febreiro.

A principal reivindicación do comité de empresa é a equiparación salarial con Viza, a outra sociedade do grupo, cuns empregados que perciben preto de 6.000 euros máis ao ano a pesar de desenvolver o seu traballo nas mesmas condicións e nas mesmas instalacións. Mentres, a directiva ofrece unha subida do 9 por cento “irreal, porque só un 3,5 por cento dos traballadores tería acceso a ese incremento“, como denuncian dende a CIG.

Ademais, a empresa quere establecer unha prima de competitividade que dende a central sindical rexeitan porque “non depende dos operarios e está suxeita a incidencias como a falta de material, o seu deterioro, a mala calidade ou a parada de liñas”.