A Xunta aprobou o proxecto de trazado para executar unha senda peonil na estrada autonómica PO-407, no concello do Porriño. En concereto, o investimento que o Goberno galego destinará a esta actuación de mellora da seguridade viaria, especialmente para os peóns, será de 425.000€ no que se inclúe o pagamento dos 32 predios necesarios para executar a obra.
Itinerario de 1 quilómetro
Mediante esta actuación, trátase de executar un itinerario de preto de 1 quilómetro de lonxitude na marxe dereita da PO-407, que conta cun tráfico maioritariamente local, cunha importante funcionalidade e con vivendas na súa traza e dar acceso a un equipamento educativo como o colexio público Cruz de Budiño.
A aprobación definitiva deste proxecto por parte do Executivo autonómico leva tamén aparellada a declaración de utilidade pública, pola que se dispón a urxente ocupación dos terreos necesarios para executar esta intervención.
En concreto, o proxecto que vén de ser aprobado consiste na construción dunha senda no treito da estrada PO-407 comprendido entre os puntos quilométricos 0+130 e 1+020, creando un espazo seguro para o tránsito peonil independente da calzada, xa que esta carece na actualidade dunha zona destinada á circulación dos peóns.
Outras novas en vigoalminuto
- Últimas entradas a la venta para ver en Vigo ‘Friends, el musical’
El próximo 4 de octubre en el Teatro García Barbón a un precio de entre 24 y 30 euros - Exigen respuestas a Sanidade sobre la inundación de una sala de Cardiología del Cunqueiro
La diputada del BNG Montse Prado presenta varias inicitivas en el Parlamento - As ovellas, novas aliadas en Tomiño para eliminar a flora exótica invasora
Participarán no proceso de erradicación de dúas especies de bambú e cana
Senda con pavimento táctil de botóns e paradas de autobus
A intervención deseñada polo departamento de Infraestruturas da Xunta permitirá a execución dunha senda en formigón coloreado de ancho mínimo de 1,80 metros, agás nun estreitamento puntual na contorna do punto quilométrico 0+750, onde existe unha estrutura.
De cara a facilitar a accesibilidade, nos vaos peonís previstos, colocarase pavimento táctil de botóns ou direccional, formado por baldosas de 30×30 centímetros sobre unha base de formigón. O pavimento táctil, indicador de advertencia ou proximidade a puntos de perigo, situarase nos extremos da senda para indicar o final da mesma, así como nas paradas de autobús ou nos pasos de peóns para advertir a posibilidade de cruzamento con seguridade.
As obras previstas inclúen melloras da seguridade adicionais, como o acondicionamento das paradas de autobús existentes nos puntos quilométricos 0+280 e 0+960. En ambos os casos acondicionarase e ampliarase a zona peonil, sinalizarase o refuxio e disporase de pavimentos que cumprirán as normativas vixentes de accesibilidade.
Prisma soterrado de telecomuniacións e iluminación
A intervención completarase con traballos adicionais de instalación dun prisma soterrado de telecomunicacións e iluminación, a mellora dos sistemas de drenaxe, a recolocación de contenedores de residuos, sistemas de contención, construción de muros ou reforzo da sinalización.
Esta nova actuación da Xunta é susceptible de financiamento dos fondos europeos FEDER 21/27.
A Consellería de Vivenda e Planificación de Infraestruturas convocará o levantamento de actas previas das expropiacións e licitará as obras no primeiro semestre de 2025. O prazo para acometer os traballos é de 8 meses.
