O presidente da Xunta, Alfonso Rueda, anunciou hoxe a licitación do novo treito da autovía AG-42 Tui-A Guarda, que conectará o enlace de Areas coa PO-350, entre os concellos de Tui e Tomiño. Este proxecto,
“absolutamente fundamental”, tal e como indicou, para o Baixo Miño e o sur de Galicia, contará cun investimento de máis de 17 millóns de euros e un prazo de execución de 24 meses, estando previsto o inicio das obras para mediados deste 2025.
Conexión coa A-55
Durante o acto, Rueda, que estivo acompañado pola conselleira de Vivenda e Planificación de Infraestruturas, María Martínez Allegue, lembrou que en febreiro se puxo en servizo o enlace coa A-
55, que incluía a conexión co polígono de Areas. “Hoxe damos un paso máis con esta licitación, que xa está publicada no Perfil do Contratante”, engadiu.
Tamén en vigoalminuto
- Detenido en Pontevedra un ciudadano portugués acusado de homicidio
- Renfe modifica el primer Regional de la mañana Vigo Guixar-A Coruña por trabajos de mejora
- Los antiguos juzgados de la rúa Lalín seguirán abandonados por tiempo indefinido
- Nuevo reconocimiento internacional para la Sanidad Pública de Vigo
- Arranca el Concurso Internacional de Piano “Ciudad de Vigo” con más de 100 pianistas
- Los robos de móviles por la fuerza, llegan a Vigo
4 quilómetros
O novo treito da autovía, de case 4 quilómetros, contará coas mellores prestacións para garantir a seguridade e a eficiencia no transporte. Rueda subliñou que a AG-42 mellorará significativamente a mobilidade do Baixo Miño, facilitando os desprazamentos tanto de vehículos lixeiros como de transportistas.
“E imos seguir ata completar esta infraestrutura, ata enlazar en Goián, e xa estamos facendo os trámites administrativos e orzamentando o necesario para que isto sexa unha realidade”, concluiu o xefe do executivo galego.
