A vicepresidenta da Deputación de Pontevedra, Luisa Sánchez, acompañada do deputado provincial Javier Tourís, reuniuse esta tarde co movemento asociativo e veciñal de Vigo para informalo sobre as bases dos programas que impulsará a área de Acción Comunitaria durante o ano 2025: Provincia Comunitaria e +Aqua, que repiten trala grande acollida das súas primeiras edicións, e o novo +Novaqua. En conxunto, recibirán un orzamento inicial de 2,4 millóns de euros, un 20% superior ao do pasado ano.
Colectivos veciñais
Luisa Sánchez puxo en valor estes programas para a cidade, “fervedoiro do movemento asociativo veciñal de Galicia”, ao poñer o acento nos colectivos veciñais, “nas entidades que están día a día en contacto coa cidadanía, traballando para mellorar a súa calidade de vida, para fomentar a súa participación social, ofrecéndolles un amplo abano de actividades”.
Neste eido lembrou que o pasado ano foron 12 as entidades de Vigo que se beneficiaron dos programas de Acción Comunitaria da Deputación, con preto de 120.000 euros de recursos.
- No caso do Plan de Acción Comunitaria, tal e como detallou Sánchez, foron sete as asociacións da cidade que recibiron 68.000 euros para realizar actuacións nos locais das asociacións, dotalas de equipamentos informáticos e mellores espazos, realizar melloras en auditorios ou obras de eficiencia enerxética e reparacións
- Polo que respecta ao +Aqua, a vicepresidenta lembrou que foron cinco as comunidades de augas beneficiadas de 50.000 euros para mellorar o control, a calidade e a xestión da auga, ou os depósitos e captacións de auga
Tamén en vigoalminuto
- El Concello sancionará a Ryanair por incumplir el contrato de los vuelos Vigo-Londres
- Abel Caballero adelanta que si no hay AVE Vigo-Oporto en 2030 será culpa de Rueda y de Portugal
- Amigas de la Tierra, Ecologistas en Acción y Greenpeace, también abandonan Twitter/X
- El químico vigués Manuel Rodríguez Méndez, reelegido decano del Colegio de Químicos de Galicia
Publicadas as bases
Pola súa banda Javier Tourís lembrou que “as bases dos programas de Acción Comunitaria xa están publicadas e os colectivos xa poden optar ás axudas, nun ano no que temos máis programas, máis recursos e máis potenciais beneficiarios”.
Tamén remarcou que “sabíamos que era unha necesidade e unha conta pendente da Deputación despois de oito anos ignorando o tecido asociativo, sen plans específicos de axudas para os seus proxectos”. Por iso “era unha obriga recuperación a colaboración e seguir avanzando na modernización do noso territorio, e estes programas son xa unha figura clave na cohesión e o equilibrio territorial da provincia”.
O deputado destacou novidades como a simplificación administrativa dos plans así como a captación de fondos estatais, cos que “somos un referente en España na atención ao movemento veciñal e imos consolidar o noso modelo”.
