50 alumnas e alumnos de segundo curso da Escola Universitaria de Enfermaría Meixoeiro-Vigo comezaron as súas prácticas clínicas nos Hospitais Álvaro Cunqueiro e Meixoeiro. Do total do alumnado, 41 son mulleres e 9 homes, destinándose un total de 39 ao Hospital Álvaro Cunqueiro e as 11 persoas restantes ao Meixoeiro.
Estas prácticas, que comezan no segundo ano da súa formación, as realizarán en unidades de hospitalización de adultos, debendo completar ao longo dos catro cursos da carreira un total de 1.950 horas de prácticas asistenciais en diferentes ámbitos de atención especializada: dende Primaria ata unidades de hospitalización e de pacientes críticos.
Ademais en vigoalminuto
- Concello y Renfe estudian eliminar paradas para acortar el tiempo de viaje del AVE a Madrid
- Lluvia y alerta naranja en la costa: azota la borrasca ‘Martinho’
- Alumnado de 2º Curso da Escola de Enfermaría comeza as prácticas no Meixoeiro e o Cunqueiro
- Piden explicaciones al Gobieno municipal por la participación de ‘Desokupa’ en una intervención de la Policía Local
- ‘Godspell,el musical’, trae a Vigo sus únicas funciones en Galicia
- Vigo Porté sigue sumando apoyos
Práctica clínica
A práctica clínica é unha compoñente esencial do proceso de ensino e aprendizaxe da enfermaría, axudando a desenvolver, tanto aplicación práctica dos seus coñecementos teóricos e habilidades, como o fomento do traballo en equipo, comunicación e resolución de problemas, que achega ao alumnado competencias necesarias para o desenvolvemento do seu traballo futuro.
Cada unha das unidades e centros asistenciais da Área Sanitaria de Vigo nos que o alumnado realiza as prácticas avalía as súas competencias, o que é integrado no seu currículo e forma parte da súa cualificación final.
A Escola Universitaria de Enfermaría Meixoeiro-Vigo está adscrita á Universidade de Vigo e depende da Consellería de Sanidade.
