A Consellería de Sanidade, a través da Dirección Xeral de Saúde Pública, publica na súa páxina web o informe de actividade das infeccións respiratorias agudas correspondente á semana 15 do ano (rematada o 13 deste mes), que determina que «a intensidade da gripe en Galicia se sitúa en intensidade basal e con tendencia estable».
Datos Atención Primaria
Segundo os datos, a taxa de consultas por gripe nos servizos de Atención Primaria diminuíu un 27,9% e fica en 18,6 por 100.000 habitantes, polo que a intensidade da actividade gripal baixa ata o nivel preepidémico. O descenso da taxa obsérvase en todos os grupos de idade e en todas as áreas sanitarias.
A rede de farmacias sentinela, que nesta campaña están a remitir os seus datos á Dirección Xeral de Saúde Pública, reflicte que as taxas de dispensación de antigripais e probas de antíxenos descenderon respecto da semana anterior.
Ingresos hospitalarios
En canto aos ingresos hospitalarios, na semana 15 ingresaron 102 persoas con gripe confirmada, un 47% menos que na semana anterior (192). A taxa de ingresos no conxunto da poboación foi de 3,8 por 100.000 habitantes, descendendo en todos os grupos de idade.
Por áreas sanitarias, a taxa só aumentou na de Ferrol. No que vai de tempada, notificáronse 3.404 ingresos por gripe, a maioría deles, 2.987, con virus do tipo A. Respecto da positividade das mostras estudadas para virus do tipo A, foi do 9,1 %, o que supón un descenso respecto da semana anterior (14,2%).
A positividade das mostras estudadas para virus do tipo B foi do 0,3%, polo que a positividade dos virus da gripe foi do 9,4%, inferior á da semana anterior (14,6 %). O informe tamén indica que, nesta semana, ingresaron 14 persoas con covid confirmada, un 13 % menos que na semana previa (16 ingresos). Por grupos de idade, o descenso máis acusado produciuse no grupo de 65 e máis anos.
En relación ás áreas sanitarias, a taxa de ingresos diminuíu en todas agás nas de Ourense, Verín e O Barco de Valdeorras e a de Vigo, nas que aumentou lixeiramente.
Estimación
Segundo se recolle no informe, a estimación puntual do modelo de predición suxire que nas vindeiras dúas semanas a taxa de consultas por gripe descenda de 18,6 por 100.000 habitantes a 15,5 e 13,8 nas semanas 16 e 17. A nivel asistencial, observouse un descenso do 47% no número de ingresos, o que se reflicte nunha taxa de hospitalización descendente.
Máis novas
- Peinador creció en noviembre en número de viajeros, pero sigue siendo el tercer aeropuerto gallego
- Las obras de la Avenida de Madrid se prolongarán 4 meses más de lo previsto
- El Puerto inicia la instalación de las pasarelas de acceso al visor submarino de “Peiraos do Solpor”
- Dúas persoas falecen nun choque frontal entre un turismo e un camión na N-547 en Arzúa
- Vigo implanta un programa pionero de cribado para detectar la disfagia en pacientes hospitalizados
- La Policía Nacional intercepta por primera vez en España un alijo de pastillas de heroína
Recomendacións
Sanidade lembra a recomendación do uso da máscara en pacientes con síntomas respiratorios, ademais dos seus acompañantes e visitas, e no caso dos profesionais que os atenden, así como en determinados grupos de risco ou dispositivos asistenciais, como poden ser as Urxencias hospitalarias.
