O Concello triplicou as becas para os comedores escolares vigueses dende 2005

O alcalde indicou hoxe durante unha visiata ao CEIP Canicouva que o Concello recibiu 2.600 solicitudes de becas, “máis do doble das que tiñamos fai cinco anos”, das que concedéronse 1.724, “ate case triplicar as que dábamos en épocas sen crise”.

Hai 518 concedidas en lista de espera que, garantiu o alcalde, “non van ter dificultades de asignación orzamentaria“, aínda que, coma adiantou vigoalminuto, é posible que non existan suficientes prazas nos comedores escolares.

Abel Caballero pediu “desde a cordialidade e a cooperación” á Xunta que non esqueza o seu compromiso de ampliar cinco comedores escolares, e recordou que, en materia educativa, o goberno autonómico comprometeu 4,2 millóns para melloras e novos centros en Vigo que están sen executar.